القلب الأبيض .. القلب الأسود سفالة من نوع خاص
| By: | محمود يحيى سالم |
| Publisher: | Ktab Inc. |
| Print ISBN: | 13457KTAB |
| eText ISBN: | 13457KTAB |
| Edition: | 1 |
| Format: | Reflowable |
eBook Features
Instant Access
Purchase and read your book immediately
Read Offline
Access your eTextbook anytime and anywhere
Study Tools
Built-in study tools like highlights and more
Read Aloud
Listen and follow along as Bookshelf reads to you
البداية.... من زمان... زمان قوى... نبدء من جدى الأكبر حمد باشا أبو الخير رائد فن السفالة فى عيلتنا.... ومنه ورث جدى كل ما هو سافل.. ابن الوز عوام.. جدى الأكبر كان طباخ فى قصر برنسيسة من البرنسسات عرف يلعب عليها بحكم وسامته ومظهره الوقور.. ونرجسيته العالية قوى وقدرته على اتقان اللغات وخاصة الفرنسية لغة الصالونات الراقية.. كان واد ابن جنية.. البرنسيسة وقعت فى غرامه وعملت اللى ما يتعمل علشان تتخلص من جوزها.. وحاولت مرة واثنين وعشرة مفيش فايدة.. تعمل ايه؟ تتصرف إزاي؟ مفيش غير حبيب القلب جدى الأكبر اللى شغل دماغه السافلة وخطط وهندس ويوم الاثنين 28 يناير سنة 1924 كلف الملك فؤاد الزعيم سعد زغلول بتشكيل الحكومة... وكان جوز البرنسيسة واحد من المقربين لسعد زغلول ومن انصاره.. وطبعا ليلتها كانت الفرحة موش سايعاه.. وعلى الفور استدعى كبير الطهاه والمسئول الأول عن المراسم والحفلات حمد أفندى أبو الخير.. جدى الأكبر... وأمره بوضع برنامج حفل ساهر كبير فى القصر ودعوة كل البكوات والباشاوات احتفالاً بفوز حزب الوفد فى مجلس النواب بأغلبية المقاعد.. وبالتالى تشكيل حكومة يرأسها زعيم الحزب سعد زغلول باشا...