هاكونا ماتاتا لا داعي للقلق

كل واحد فينا عنده القدرة انه يتغير والقدرة انه يستغل موهبته اللي ممكن تغير حياته، يقدر يحدد ازاي يكون سعيد ،وازاي يفضل سعيد مهما اتغيرت الظروف حواليه ، المشكله اننا ساعات مش بنبقي عارفين نبدأ منين ونبدأ ازاي وحتي لما بنحاول نغير نمط حياتنا بنبدأ نتحرك شوية وبعدين نتراجع تاني ، لأن الفكرة مش اننا نغير حياتنا كلها مره واحده لكن اننا نبدأ نعرف ايه اوجه القصور في علاقاتنا مع نفسنا و مع اللي حوالينا ونقدر نصلحها ، و ان يكون عندنا خطة للتغيير ماشيين عليها بس من غير ما نحس اننا مقيدين بشوية قواعد نظرية بنحاول نطبقها ومش عارفين .